2012 წლის დასაწყისში, ნიუ იორკის მერმა მაიკლ ბლუმბერგმა (Michael Rubens Bloomberg) განაცხადა, რომ მან მიიღო გადაწყვეტილება, მომავალი წლის განმავლობაში, მისი უშუალო მოვალეობების პარალელურად, პროგრამული ენების შესწავლასაც დაუთმოს დრო. ბლუმბერგის ნაბიჯი კიდევ ერთხელ ცხადყოფს, რომ პროგრამულ კოდთან მუშაობა ნებისმიერი პროფესიის ადამიანისათვის აუცილებელია.

2014 წელს ამერიკის პრეზიდენტი, ბარაკ ობამა „პროგრამირების საათს“ (Hour of Code) დაესწრო და თავადაც დაწერა პროგრამული კოდი. „პროგრამირების საათი“ ფართომასშტაბიანი კამპანიაა, რომლის ფარგლებშიც მთელ მსოფლიოში, სხვადასხვა სასწავლებლის მოსწავლეები, ერთი საათის განმავლობაში, ეცნობიან პროგრამულ კოდთან მუშაობის საწყისებს, რათა თავად სცადონ და დაინტერესდნენ. როგორც ჟურნალისტებმა აღნიშნეს, ბარაკ ობამა პირველია ამერიკის პრეზიდენტებს შორის, ვინც პროგრამული კოდი დაწერა.

კურსის მიზანია, მსურველებს პროგრამირების საწყისები გააცნოს. ის პრაქტიკული ხასიათისაა, რომლის განმავლობაში მსმენელები მარტივ პროგრამებს აწყობენ, დღეს მსოფლიოში ერთ-ერთ პოპულარულ ენაზე, C#-ზე. კურსის განმავლობაში სტუდენტები ეცნობიან ობიექტზე ორიენტირებულ და პროგრამების მთავარ პრინციპებს.

კურსი არ მოითხოვს პროგრამირების საბაზისო ცოდნას და ნებისმიერი მსურველისათვის არის განკუთვნილი.

კურსის დასრულების შემდეგ, სტუდნეტებს ეცოდინებათ:

• ობიექტზე ორიენტირებული პროგრამირების პრინციპები
• პროგრამირების საწყისები
• მარტივი პროგრამის აწყობა C#-ში

კურსზე რეგისტრაცია მუდმივად გახსნილია, ხოლო სწავლის დაწყების პერიოდია 2024 წლის შემოდგომა. მსურველებს, აღნიშნულ პერიოდში დაუკავშირდება ჯეოლაბის წარმომადგენელი.

სასწავლო პროცესი მიმდინარეობს ადგილზე, თუმცა კურსზე დასწრება დისტანციურად ონლაინაც არის შესაძლებელი.