ახალი ტექნიოლოგიების და ინოვაციების ლაბორატორია ჯეოლაბი
ახალი ტექნოლოგიების და ინოვაციების ლაბორატორია ჯეოლაბი 2015 წელს შეიქმნა. თანამედროვე ტექნოლოგიებით აღჭურვილი სივრცის ერთ-ერთი მნიშვნელოვანი ნაწილია სასწავლო ცენტრი, სადაც ნებისმიერ დაინტერესებულ ადამიანს შეუძლია აირჩიოს და შეისწავლოს მისთვის სასურველი მიმართულება:
- დიზაინი
- ვებპროგრამირება
- მობილური აპლიკაციების დეველოპმენტი
- თამაშების დეველოპმენტი
- კოდირება
საბაზისო კურსი გრძელდება 2 თვე. სწავლების დიდი ნაწილი ეთმობა პრაქტიკული უნარების შეძენას, ხოლო სწავლების ბოლო ეტაპზე სტუდენტები აკეთებენ ფინალურ პროექტს და აფასებენ საკუთარ შესაძლებლობებს.
პროფესიული კურსი 4 თვე გრძელდება, სტუდენტები 3 თვის მანძილზე არჩეულ პროფესიას სწავლობენ, ბოლო ერთი თვე კი ლექტორების დახმარებით საკუთარ პროექტებს ქმნიან.
ორივე კურსის გავლა მსურველებს, როგორც ადგილზე, ფიზიკურ სივრცეში, ასევე დისტანციურადაც შეუძლიათ.
თეორიული და პრაქტიკული ცოდნის მიღების შემდეგ, კურსდამთავრებულებს მენტორების დახმარებით საშუალება ეძლევათ განახორციელონ პირველი პროექტი, რაც მათ რეალურად აჩვენებს საკუთარ შესაძლებლობებს.
სწავლების გარდა ჯეოლაბი სხვადასხვა სახისა და მიმართულების პროექტებს ახორციელებს. გვაქვს სასწავლო და სოციალური პროექტები. ყურადღების მიღმა არც გარემოსდაცვითი და გენდერულად მგრძობიარე საკითხები რჩება.
ჯეოლაბი აქტიურად თანამშროლობს ადგილობრივ და საერთაშორისო ორგანიზაციებთან. ჯეოლაბში შექმნილია არაერთი ციფრული პროდუქტი, მათ შორის, UNICEF-ის მხარდაჭერით შექმნილი ციფრული საგანმანათლებლო რესურსი „ვსწავლობთ თამაშით”, რომელსაც მასწავლებლები იყენებენ საგაკვეთილო პროცესში საქართველოს სკოლებში, დაწყებით კლასებში.
„თბილისი წიგნის მსოფლიო დედაქალაქის” ფარგლებში ჯეოლაბში შეიქმნა „ინტერაქტიული წიგნები”. ქართველი საბავშვო მწერლების 12 ინტერაქტიული წიგნი ხელმისაწვდომია უფასოდ iOS, Android და desktop ვერსიებზე.
ჯეოლაბი არის 5-წლიანი, „USAID-ის სამოქალაქო განათლების პროგრამის” პარტნიორი ტექნოლოგიურ კომპონენტში.
ჯეოლაბი არის ასევე „თიბისის ტექსკოლის” პარტნიორი და ახორციელებს სასწავლო პროგრამებს.
ჩვენი სიმბოლოა – ბუ. ფრინველი, რომელიც ოდითგანვე სიბრძნისა და აზროვნების სიმბოლოდ ითვლება.
ჩვენ ნებისმიერ სამუშაო დღეს მზად ვართ თქვენთან შესახვედრად.
ჩვენთან სწავლა ტექნოლოგიებით დაინტერესებულ ყევლა ადამიანს შეუძლია.
